Tabori i gjigantit të internetit punon pareshtur në përmirësimin e shërbimeve të veta, e gjatë javës së kaluar publikut ia ka shfaqur dy risi interesante.
Risitë nga dega
www.googlelabs.com e gjigantit vijnë me emërtimet Similar Images dhe Google News Timeline.
Similar Images u mundëson përdoruesve që pas shprehjes së vendosur në makinën e kërkimit të fotografive të klikojnë në lidhjen përkatëse dhe të shohin vetëm rezultatet e përmbajtjeve të njëjta.
Nëse përdoruesi shkruan në makinën e kërkimit shprehjen “Paris”, do të merr rezultate të ndryshme të cilat përfshijnë Parisin si qytet dhe fotografitë e të famshmes anoreksike Paris Hilton. Duke klikuar në lidhjen “Similar Images” nën fotografinë e caktuar arrihet deri tek rezultatet që lidhen vetëm me atë që është paraqitur në fotografinë e caktuar.
Risia tjetër vjen me emrin Gogle News Timeline, dhe bëhet fjalë për një aplikacion uebi i cili rezultatet e kërkimit i radhit në formë kronologjike, në periudhën kohore siç i përcakton vet përdoruesi.
www.googlelabs.com